Jolasaren Alternatiba [I]

    Bakerako hezkuntzako jolasak eta dinamikak

    ,

    Liburu hau, Edupaz saileko hirugarrena, 1986an argitaratu zen lehen aldiz. Ehun jolas eta dinamika baino gehiago biltzen ditu, egileek urtetan probatuak eta esperimentatuak, hainbat testuingurutan erabil daitezkeenak (bakerako hezkuntza, giza eskubideak, gatazken irtenbideak, garapena…). Jolas bakoitza fitxa baliagarri eta erabilerraz baten bidez dago azalduta. Fitxa bakoitzak atal hauek ditu: jolasaren azalpena eta helburuak, parte-hartzaileen profila, jarraibideak, garapena, ebaluatzeko arrasto batzuk eta jolasaren aldaerak. Horrenbestez, fitxak ez dira errezetak. Halaber, aurkezteko modu horri esker, malgua izateaz gain, erraza da jolasak kasuan kasuko egoeraren arabera moldatzea. Liburuak hiru aurkibide ditu: orokorra, atalaren edo jolas-motaren araberakoa eta adinaren araberakoa. Horri esker, oso erraz erabiltzen da liburua. Talde baten heziketa- eta garapen-prozesuari jarraituz sailkatu dira jolasak eta dinamikak, eta hortaz, heziketa-prozesu horretan aurrera egiten laguntzen diete parte-hartzaileei. Hona hemen atalak: 1) nork bere burua aurkezteko jolasak; 2) elkar ezagutzekoak; 3) norbera eta taldea sendotzekoak; 4) elkarrengan konfiantza lortzekoak; 5) elkarrekin komunikatzekoak; 6) lankidetzan aritzekoak; 7) gatazkak konpontzen ikastekoak; eta 8) lasaitzekoak. Liburu hau aitzindaria eta oinarrizkoa izan da bakerako hezkuntzako metodologian. Izan ere, formatu eta sailkapen-eskema berberei eutsita, bigarren liburukia argitaratu dute egileek Edupaz sailean. Gainera, gerora argitaratutako beste hainbat lanetan ere erabili izan dituzte formatu eta eskema horiek. Edupaz saileko bi liburu horietako dinamikak metodologia sozio-afektiboan oinarrituta daude. Beraz, edukien eta metodologiaren arteko koherentziaren bidez hezi nahi dute, norberak edukiak parte-hartzearen bidez bereganatuz eta landu behar den gaia zuzenean esperimentatuz. Esperientzia hori oso motibagarria izateaz gain, enpatia garatzeko aukera ematen du, eta horrek ikertzera, gogoeta egitera eta konpromiso eraldatzaileak hartzera bultzatzen ditu parte-hartzaileak; hots, bakerako hezkuntzako oinarri-oinarrizko elementuak garatzera.

    Paco Cascón eta Carlos Martín Beristainek aspaldiko konpromisoa dute bakezaletasunarekin eta antimilitarismoarekin. Urteak daramatzate hezkuntza formalaren, hezkuntza ez-formalaren eta GKEen esparruetan lanean, baita Latinoamerikako herri-mugimenduekin ere. Ehunka tailer egin dituzte esparru horietan, hainbat talderekin, adin guztietako pertsonekin. Eta liburu honetako jolasak eta dinamikak denbora horretan lortutako esperientziaren emaitza dira.

    Escritor
    Escritor
    Colección
    Edupaz
    Materia
    Educación
    EAN
    9788483194911
    ISBN
    978-84-8319-491-1
    Páginas
    216
    Ancho
    17 cm
    Alto
    27 cm
    Fecha publicación
    03-03-2010
    Número en la colección
    322
    Edición en papel
    16,50 €<<<Añadir al carrito

    Sobre Paco Cascón Soriano (Escritor)

    • Paco Cascón Soriano
      Proviene del compromiso con la labor pacifista y antimilitarista. Lleva varias décadas trabajando tanto en el campo de la educación formal como en el de la no formal y las ONG, así como con movimientos populares de América Latina. Estas dinámicas son fruto de su experiencia en ci... Ver más sobre el autor

    Sobre Carlos Martín Beristain (Escritor)

    • Carlos  Martín Beristain
      Proviene del compromiso con el trabajo pacifista y antimilitarista. Lleva años trabajando tanto en el campo de la educación formal como en el de la no formal y las ONG, así como con movimientos populares de América Latina. Estas dinámicas son fruto de su experiencia en cientos de... Ver más sobre el autor

    Libros relacionados